Félag viðurkenndra bókara

Kæru félagsmenn

Félag viðurkenndra bókara fagnar 10 ára afmæli sínu í dag

Félagið var stofnað 26. janúar 2002 og voru stofnfélagar 33. Í fyrstu stjórn sátu Már Jóhannsson, Rósa Ólafsdóttir, Gunnar Páll Ívarsson, Gísli J Grímsson og Anna Antonsdóttir.

Félagið hefur vaxið ört á þesssum 10 árum og er nokkuð ljóst að brýn þörf er á starfsemi þess. Í dag eru um 360  manns skráð í félagið, eða um það bil 75% allra útskrifaðra nemenda.

Því fleiri sem við erum, því öflugri er félagið og samstaðan sterkari. Markmiðið er að hámarka árangur og skilvirkni, tryggja velferð og viðhalda þekkingunni ásamt því að skapa varanlegt samkeppnisforskot. Forskotið er sérþekkingin sem við höfum og þurfum að viðhalda, óáþreifanleg eign sem er dýrmætasta auðlindin okkar.

Megi félagið vaxa og eflast í framtíðinni.

Að svo mæltu sendi ég ykkur mínar heillaóskir og þakka öllum fyrir mikilvægt framlag  til félagsins, megi ykkur farnast vel í framtíðinni.

Fyrir hönd Félags viðurkenndra bókara

Júlía Björg Sigurbergsdóttir, formaður

Febrúarráðstefna Félags viðurkenndra bókara
Föstudaginn 10. febrúar 2012

Ráðstefna
Hótel Saga, Hagatorgi - Kötlusalurinn (áður Harvard) kl. 09:00 – 16:30
Verð kr. 8.500,-  fyrir félagsmenn  15.000,- kr. fyrir þátttakendur utan félags.
Innifalið er kaffi og meðlæti, hádegismatur og fyrirlestrar.
Námskeiðið gefur 15 einingar

Afmælisfögnuður
Í tilefni 10 ára afmælis félagsins – léttar veitingar í boði
Hótel Saga, Hagatorgi  - Snæfellssalurinn Kl. 17:00 – 19.00

Dagskrá:

09:00 – 09:05 Setning ráðstefnu
09:05 – 10:20 Tölur frá öðru sjónarhorni  – Hermundur Rósinkranz, talnaspekingur
10:20 – 10:30 Kaffihlé  
10:30 – 12:00 Skattalagabreytingar ársins 2012 – Fulltrúar frá RSK
12:00 – 12:10 Launakönnun 2012
12:10 – 13:00 Hádegishlé
13:00 – 14:20  Laun og launaviðtal – hvers virði er ég? – Aðalsteinn Leifsson, lektor HR
14:20 – 14:35 Kaffihlé
14:35 – 16:30 Bókhaldsleg færsla skattalagabreytinga,  fyrirspurnir – Lúðvík Þráinsson
16:30 – 16:35 Ráðstefnuslit

17:00 – 19:00 Afmælisfagnaður

Þátttaka á ráðstefnu skráist á vef fvb.is  fyrir 6. febrúar n.k.(Ekki þarf að skrá sig sérstaklega vegna afmælisfagnaðar). Vinsamlegast tilgreinið  nafn, kennitölu og heimilisfang og ef greiðandi er annar, (t.d. fyrirtæki eða vinnuveitandi). Þátttakendur þurfa að afskrá sig ef til forfalla kemur, í síðasta lagi klukkustund áður en ráðstefna hefst.Ef það er ekki gert sér félagið sér ekki annað fært en að senda reikning á viðkomandi vegna ráðstefnugjaldanna.Afskráning er framkvæmd á síðu félagsins eða með því að senda póst á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. .
        
Muna eftir að mæta með nafnspjöldin og fartölvu ef vill !
Námskeiðsgögn verða aðgengileg á síðu FVB en ekki prentuð út til dreifingar.
Þátttakendur ráðstefnunnar geta leigt herbergi á Hótel Sögu  á sérkjörum.
Eins manns herbergi með morgunmat kr. 12.000,-  og tveggja manna kr. 14.000

Hagnýtt bókhaldsnám II að hefjast í TV – nokkur sæti laus !

-          Nú er að hefjast námskeið sem nýst getur vel viðurkenndum bókurum sem vilja skerpa á kunnáttu sinni í lokafærslum, uppgjörsfærslum, rifja upp lagabálkinn – og ekki síst ganga frá möppunni til uppgjörsaðila  í lok ársins.

-          Farið er í gögn sem unnin eru í DK – uppfærð, leiðrétt og gerðar gerður gátlisti um hvað þarf að huga að við lok reikningsársins.

-          Notum einnig kennslubókina : Tómas Bergsson, Bókhald II og samfellur RSK

-          Kennari  : Inga Jóna Óskarsdóttir, viðurkenndur bókari

 Sjá link :

http://tv.is/en/component/tvis/coursebook/course_schedule/content/52?course_checkbox=1