Félag viðurkenndra bókara

Kæru félagar.
Nú eru margir komnir til vinnu eða eru að klára sín sumarfrí og nú höldum við áfram að fara gönguferðir fyrsta miðvikudag í mánuði í vetur. Við munum nýta okkur gögnuleiðir innan höfuðborgarsvæðisins þar til vora fer á ný.
En fyrst verður haldið á Esjuna eða miðvikudaginn 1. september nk. og lagt af stað kl. 17,00 ath. breyttan tíma. Þeir sem ekki treysta sér til að ganga alla leið á fjallið geta komið með hópnum og farið styttra. Eftir göngu er tilvalið að koma við á Esjustofu, þar eru hollir réttir í boði í mat og drykk, sjá heimasíðuna www.esjustofa.is.

Miðvikudaginn 2. júní sl. var farin frábær gönguferð á Helgafelli í guðdómlegu veðri og var 16 manna hópurinn alsæll með túrinn. Næst verður gengið í kringum Vífilstaðavatn miðvikudaginn 7. júlí og verður lagt af stað frá bílastæðinu kl. 18:00.

Skemmtinefndin

Gönguferðin á Úlfarsfellið í gær heppnaðist afar vel og var þátttaka mjög góð, þrátt fyrir þoku og lítið útsýni. Mikill áhugi er meðal hópsins og hefur verið ákveðið að framvegis verði gönguferð á vegum skemmtinefndar FVB fyrsta miðvikudag í mánuði.

Næst verður haldið á Helgafellið við Kaldársel fyrir ofan Hafnarfjörð, 2. júní n.k. og lagt af stað kl. 18,00. Þaðan er mjög fallegt útsýni og þeir sem ekki treysta sér til að ganga á fjallið geta komið með hópnum að rótum Helgafellsins og gengið í kring um Valahnjúka eða Helgafellið sjálft og eru þar merktar gögnuleiðir. Hlökkum til að sjá ykkur vonum að fá bjart og gott veður og takið alla fjölskylduna eða vini með.

Skemmtinefndin

Skemmtinefnd FVB hefur ákveðið að efna til gönguferða á fellin/fjöllin í nágrenni Reykjavíkur fyrstu miðvikudaga í hverjum mánuði og verður fyrsta ferðin 5. maí nk. Farið verður á Úlfarsfellið (byrjað létt) - mæting á bílastæðinu við Skyggnisbraut í Úlfarsfellshverfinu kl. 18,00 og er áætlað að gangan taki um klst. Öll fjölskyldan hjartanlega velkomin og hundar einnig, hugið að hentugum útivistarfatnaði og góðum gönguskóm. Skv. veðurspá er mjög gott gönguveður.

Við hvetjum fólk til að standa upp frá skattframtölum, bókhaldi og öðrum spennandi verkefnum, hitta vini og kunningja í FVB og njóta íslenska vorsins.